stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte     *    stuur 'n geskenk van tuisgemaakte lekkerte

 
         
   

  Die SPAN

   
         
   

Die Mense agter die Lekker

   
         
   

Die LekkerBek konsep het ontstaan uit blote toeval. Hier is die storie...

   
         
    Wirie, die ma in die LekkerBekspan, is 'n praktiserende Bemarkings konsultant. Maar een dag op die ingewing van die oomblik besluit sy om 'n paar lekkernye as Kersfeesgeskenke te bak. Die woord versprei toe soos 'n veldbrand en voordat sy weet bak sy deur die nag om al die bestellings na te kom.    
         
    Terwyl sy nog so een dag met haar Rottweilers stap, wonder sy wat om vir haar man, André, vir Kersfees te gee. ”Ag wat, ek pak sommer 'n klomp lekkernye, want hy is tog maar net 'n LekkerBek”, dink sy.    
         
   

En op daardie oomblik is ”LekkerBek Tuisgemaakte Lekkerte” gebore.

   
         
    Die "Lekkerte" deel was haar seun, Arné, 'n ingenieur van professie se idee – en is vandag net so deel van die LekkerBek Span as die ander. Die ander integrale lid van die span, is Andanté, die dogter in die huis. Sy is 'n grafiese kunstenaar, en haar passie is om alles mooi te maak – en is natuurlik ook versot op kos en kos maak.    
         
    "Om saam met haar produkte vir LekkerBek geskenke te soek is 'n belewenis. Eers moet dit mooi wees, en dan ook lekker. Groot is haar verligting as sy iets met pragtige verpakking raakloop, en dan nog lekker is ook.”    
         
    Alhoewel die Rust familie se wortels in die Karoo en Kaap lê, woon die gesin al 33 jaar in Johannesburg. Hul spenskaste is altyd vol, en vriende en familie kuier alte lekker om hul groot stoeptafel. Daar is selfs een keer gepoog om te bereken hoeveel ure al om daardie tafel gekuier is, maar dit was onberekenbaar.    
         
    Dit is ons hartswens dat jy die plaaslike produkte in ons LekkerBek Geskenk Reeks, net soveel sal geniet soos wat ons die reis op soek daarna, en die proe daarvan geniet het.

   
         
   

Gesondheid op 'n Lekker Lewe!

   
         
   

Skink vir jou 'n lekker glas wyn en lees die LekkerBek Reis – en deel in ons reis van proe en soek na Tuisgemaakte Lekkerte!